Polis ta haci un apelacion un biaha mas na comunidad di Santa Cruz y pueblo di Aruba en general pa yuda soluciona e caso di candela na Scol Basico Cacique Macuarima.Otro siman, 12 di februari, ta cumpli un luna di e sucedido y te ainda no a logra detene ningun persona pa e caso aki.
Autoridadnan mester di ayudo di ciudadanonan, di personanan cu por a mira algo, of a scucha hende papia di kende a comete e delito aki. Dia 12 di januari, rond di mei anochi a bati alarma pa un candela grandi na Scol Basico Cacique Macuarima cu a destrui of causa daño na 4 lokaal.
For di e dia ey a bin ta trahando pa haya esnan responsabel. Recherche Santa Cruz ta desea di papia cu tur hende cu por a mira algo riba e dia aki of cu pa casualidad por sa algo cu lo por yuda cu e investigacion.
Tambe recherche di Santa Cruz ta desea di papia cu personanan cu durante e fecha ey, tabata den vecindario di scol Cacique Macuarima y cu por a mira algo cu por yuda soluciona e kimamento di e scol. Pa cu e sospechosonan por wordo mira cu un tin un postura cortico y e otro cu un haltura un poco mas largo. E sospechoso cortico ta bisti den un ‘hoody’.
Bou di e hoody e tin un otro shirt y e tin un carson cortico. E sospechoso cu haltura mas largo ta lomba sunu y e tin un carson cortico bisti. Probablemente el a pasa su T-shirt over di su cabes. Riba su lomba por mira un prenda/joya.
Probablemente e ta un cruz di un Rosario.Si un hende ta reconoce e personanan aki of bo tin conocemento di algun informacion di e incidente aki, bo ta wordo suplica pa presenta na Recherche Santa Cruz, of pa tuma contact cu polisnan di Recherche Santa Cruz na number di telefon 527-2927, of via e-mail: [email protected].Tambe por laga tips anonimo riba e tiplijn di Cuerpo Policial Aruba, number 11141.
