Diabierna atardi un masa grandi di manifestante bou di e nomber di “ta Basta” a cana bin direccion Parlamento for di Corte di Aruba. Hopi ta esnan cu a presenta y vocifera nan disgusto, nan peticion pa cambio y un ofrenda di peluche dilanti Bestuurskantoor.
E grupo di manifestantenan aki a cana for di Corte direccion caya grandi, pa despues crusa entre Kok Optica y Censo pa pasa dilanti Gabinete di Gobernador pa asina bira na man drechi direccion Parlamento. Na yegada algun hende a hiba palabra pa despues lesa e manifiesto aki na tur presente prome cu entreg’e na Presidente di Parlamento.
Un muestra abrumador y deseo contundente di parti e pueblo, y e cambio cu mester bin pa locual ta trata abuso di mucha riba nos Isla.
