Awe marduga Ministerio Publico y Cuerpo Policial Aruba a haci un entrada hudicial na Palm Beach 29-A, unda antes tabata situa Different Bar & Restaurant na Noord. Ey Polis a topa cu droga, arma y como 30 ilegal. Despues di e detencionnan, Min Cheng, doño di e compleho di apartamento a keha di maltrato policial den su cas. El a denuncia cu Polisnan a kibra su cas bay paden, a boei’e y haci’e dolor.
E homber di descendiente Chines a sigura nos cu e no ta den ningun sorto di negoshi ilicito. E no sa kico e huurdonan ta haci of laga di haci pero e no ta contento cu e trato cu el a ricibi di Polis. E ta papia un papiamento masha kibra, pero por a compronde cu Polisnan a pone e y su señora sinta na suela mientras cu tabata buscando den nan cas.
E homber a bisa den entrevista cu nos cu Polisnan a reboltia full su cas, mescos ta e apartamentonan cu e ta huur. E no ta haya husto locual nan a haci cu ne. Ora a puntr’e si e sa cu Polis a haya hopi droga y arma den su propiedad,
