Diadomingo anochi pa mas o menos 11:00 pm polis a presenta cu urgencia den Caya Betico Croes pa atende cu un accidente. Ora cu nan a yega na sitio a tuma nota di un auto di cual e parti dilanti tabata completamente destrui. Dibiaha tambe a wak cu tabata trata di un solo vehiculo cu a bay dal den un muraya di cas, cual tambe a resulta destrui. Tabata trata di un auto Nissan Note number A-64531. Segun informe, e bisiñanan a comenta cu nan a scucha un zonido fuerte pafo.
No ta conoci kico por a pasa cu e auto a bay dal den e muraya di cas. Posiblemente, ta hunga velocidad lo a hunga un rol. Un hende muhe a keda pega den auto, pero paramedico hunto cu ayudo di polis a logra sac’e cu poco esfuerso.
Un otro individuo cu tambe tabata den e auto a sali bay den otro auto cu algun amistad. Polis a cera e caminda pa asina inicia cu e proceso di investigacion.
