Diaranson alrededor di 8:20 pm polis a presenta den e area IBiSA den Frankrijkstraat p’un homber cu supuestamente tabata horta den e autonan staciona den e area. Na yegada polis no a topa cu e dicho homber.
Segun informacion, e homber tabatin un obheto skerpi den su man y cu menos bon intencion. Den mesun area un miembro di siguridad a conta polis cu, e homber ta lomba afo y el a cana bay direccion pariba.
Polis a controla den e area y a topa cu e homber na altura di Avon cerca di rotonde Belgiestraat. El a admiti cu e tabata den e area di IBiSA. Polis a deten’e y a hib’e warda pendiente investigacion, pa saca afo si berdad el a horta of no.
