Diabierna ultimo Solo Banda Show a lansa nan tema mas recien cu ta “Amor Secreto”. E tema aki ta un bachata romantico cu ya caba ta zonando na radio emisoranan local pa algun siman.
Despues di a lansa e tema tabatin e peticion di parti di fanaticonan di Solo Banda Show pa compaña e tema pa un video clip. P’esey Solo Banda show a dicidi di complace fanaticonan y a lansa e videoclip fin di e siman aki. “Amor secreto” ta un cancion composita y interpreta pa Jeffrey Kelly cu areglo di Eldon Croes y Robert Jeand’or. A produci e videoclip y dirigi pa Christopher Otten, integrante di Solo Banda Show.
Solo Banda Show kier a manda un palabra di danki na tur e fanaticonan pa e apoyo y sosten ricibi durante e ultimo simannan. Tambe ta manda palabranan di danki na Jimmy Tromp y Jo de Freitas cu a forma parti di e videoclip, bailando riba e ritmo di “Amor Secreto.”
