Recientemente sindicato di Polis (SPA) a reuni cu Minister di Husticia, Rocco Tjon. A trata diferente topico di interes. Entre otro riba e asunto di overtime. No tin suficiente polis na Aruba y si gobierno bay corta den overtime, ta hacie dificil mantene siguridad y orden publico di nos isla. Pues, debi cu no tin mucho personal, ta keda nada otro pa bay over na laga e polisnan traha overtime. Un otro punto di agenda tabata e bulletproof vest cu e polisnan a ricibi recientemente.
Segun Rodney Solognier, presidente di e sindicato SPA; e calidad ta hopi abou y cu casi e polisnan no ta bistiendo nan mes. E calidad ta e vestnan ta uno cu e polisnan no a gusta y pa cual no ta uza nan casi. A trata tambe e topico di pensioen, pa cual pronto tin cu concretisa algun palabracion cu e ministernan di husticia, labor y salud publico. Ya tin aprobacion di parti pensioen fonds pero tin parti cu falta pa paga pa wak con por atende cu SVb. E autonan di polis tambe tabata parti di e reunion. Segun por a compronde, Garage Cordia a keda pafo di “wega.” Pues di e companianan cu ta bende auto, tin algo a bay robes cu Garage Cordia a keda afo, pa cual ta bende e marca Toyota.
Solognier a duna di conoce, cu a tene un encuesta entre e polisnan recientemente caminda a puntra nan cua auto nan lo prefera di traha cu ne. Mayoria polis a scoge pa un Toyota Prado y ta netamente e compania cu ta representa Toyota a keda afo pa por participa. Cuerpo tin mester di auto, e ta hasta urgente. Tin districto tin auto, otro no, algun ta cuida nan auto y otro no, pues na e momentonan aki; Cuerpo Policial tin mester di auto nobo.
