Aruba Hotel & Tourism Association (AHATA) a organisa un encuesta pa companianan miembro cu ta traha directamente of indirecto cu turismo. Un total di 61 compania a responde na e encuesta aki.
Un total di 84% di compania ta ricibi loonsubsidie (otorga dor di Gobierno di Hulanda) na e momentonan aki. Mientras cu 90% di compania cu ta ricibi loon subsidio ainda ta den operacion, pero ta draai riba perdida. A haci diferente pregunta na miembronan, pa por tin un bista con cosnan ta bayendo.
Un di e preguntanan haci tabata cu si no tin e yudansa di loonsubsidio nan lo por a opera pa breakeven of tin ganashi. E cantidad di 86% a informa cu nan no por a breakeven of d tin ganashi sin e yudansa di loonsubsidio. Un total di 62% ta na riesgo pa bay den bancarota sin loon subsidio, mientras cu 38% ta den riesgo pa bay bancarota na 2021 aunke cu nan ricibi loo nsubsidio.
Un total di 83% di miembro di AHATA a indica cu ta rekeri pa flexibilisa e ley laboral si kier pa negoshinan sobrevivi den e situacion actual.
