Problema di obesidad ta hopi grandi. Setenta porciento di poblacion ta sobrepeso, di cual e binticinco porciento ta obeso.
Minister di Salud, Dangui Oduber, a indica cu den e plan di prevencion y p’esey AZV ta yuda na atende cu e problema aki. Asina ey por cuminsa tuma accion concreto. Segun e mandatario, no solamente cu campaña di accion, pero cu accion cu realmente ta yuda esunnan cu tin problema di obesidad.
A haci un calculacion di cuanto intervencion nan haci, specialmente den edad mas jong, ora ta mucha of hoben, esaki lo bespaar den un life cycle (ciclo vital) di un ciudadano. E mandatario a indica cu si nan haci un intervencion y a haci un calculacion por ehempel si un mucha tin diesdos aña, esaki lo bespaar e fondo entre cincuenta y setenticinco mil florin den su life cycle.
E return on investment di prevencion, no solamente tin un miho calidad di bida p’e ciudadano, pero ta aumenta su selfesteem. Segun Oduber, asina ey ta logra reduci e gastonan tambe. P’esey nan ta bay sostene no solamente cu palabra, pero cu financiamento tambe.
Pa mas lesa TREMPAN.COM.