Señora ta suplica Fiscal pa e por mira su casa den prizon

41

Mary-Ann Dirks ta casa pa 8 aña caba cu un di e sospechosonan envolvi den e caso di bendemento di droga den Hanchi Awa den Rancho. E casa no ta permiti pa bishita e homber den KIA, tampoco e dos yiunan di 4 y 2 aña di edad. E no por compronde kico ta motibo cu e no por mira su pareha, siendo cu Polisnan no a haya droga den nan camber ni riba nan durante e razzia. E casa ta cera y recientemente Hues a prolonga su detencion te october 2019 pa e caso por bin dilanti.

Mary-Ann Dirks a bishita oficina di 24ora.com pa pidi pa ayudo y sperando cu Ministerio Publico por scucha su suplica pa e haya derecho pa mira su casa. Abogado mr. Peter Mohamed ta defendiendo e casa pero pa un motibo of otro, no por logra ainda pa e famia por mira nan ser keri.

Señora ta suplica Fiscal pa e por mira su casa den prizon

Señora ta suplica Fiscal pa e por mira su casa den prizon

Posted by 24ora on Saturday, July 6, 2019

 

E señora ta sigura cu e homber ta cera di forma inhusto pasobra berdad tin bendemento di droga na e sitio pero no ta nan. El a splica cu ta un compleho di apartament tin eynan di cual nan ta huur un camber y ta comparti cushina cu tur otro. Un di e hombernan Colombiano ta bende droga, pero e restonan no. Tampoco nan ta uzado di droga, pues no tin sentido pa tene su casa cera. E mes tambe a keda algo mas di un luna cera den KIA, lagando su dos criaturanan den Casa Cuna. Awor nan ta cera e welo, te ora cu e mama por haya un cas decente pa bay biba cu su yiunan aden.