Futbol sin duda algun a bira un deporte cu no solamente hende homber ta practica, pero tambe hende muhe. Y Sundari van der Linden ta un bibo ehempel. E ta miembro di SV Estrella y tambe ASA – Aruba Soccer Academy y e ta participa na e #LikeAGirl Soccer Camp di Always Aruba.

E ta conta cu el a cuminsa hunga futbol na cas paden. El a cuminsa skop paar di bala. El a bay wak algun wega di Barcelona. Como cu su omo ta den seleccion, esey e motiv’e pa e bay hunga futbol. Su mama a sorprende un dia cu e ta den un club di Hulanda. Eynan el a sigui hunga cu mucha homber so. Te cu nan a traha un team di damas y asina el a sigui na Aruba.

Na Aruba tambe nos tin mucha muhernan apasiona pa Futbol

Na Aruba tambe nos tin mucha muhernan apasiona pa Futbol: Conoce Sundari Van Der Linden, miembro di ASA – Aruba Soccer Academy y Sv Estrella! Save the Date pa e proximo #LikeAGirl Soccer Camp di Always Aruba October 7 te cu 11 di October, 2019!

Posted by 24ora on Friday, July 5, 2019

 

Na Aruba si nan ta tent’e, pasobra nan ta bise cu mucha muhe no sa hunga futbol, pero Sundari no ta worry.

Loke e kier bisa e mucha muhenan, pa no tene miedo. Loke cu mucha homber por haci, mucha muhe tambe por. Haci kico nan kier, no tene miedo. Si bo gusta futbol haci’e.

Sundari tin su momento special, no uno tampoco, dos. Un momento cu el a hunga beach soccer, unda cu el a hinca un gol pa coy campeon. Y e final di full Aruba, a bay hunga contra un team di Mini Baby y eynan nan a coy campeon.

Dia 7 te cu dia 11 di October 2019, #LikeAGirl Soccer Camp di Always ta tuma luga den Compleho Deportivo Franklyn Bareño. 

 

Awendia un deporte pa tur

Awo cu tin e Copa Mundial Femenino na Francia, mas ainda, mirando cu Hulanda ta bay enfrenta Merca, den un final impresionante diadomingo 7 di Juli, ta hayando mas atencion cerca e mucha muhenan na Aruba pa bay practica e deporte rey. 

Esaki sigur ta un bon oportunidad pa mucha muhenan na Aruba participa tambe na e #LikAGirl Soccer Camp di Always, pa asina nan tambe por tin e chens di hunga futbol y hasta ken sa, aumenta e pasion cu nan tin caba y afilia na un ke otro club den futuro.

 

Comments

comments