Peaton di edad grandi herida ora a crusa caminda sin paga tino

2936

Diahuebs anochi algo pasa di 8:30 chauffeur a alcansa peaton cu auto. E accidente a sosode riba caminda grandi di San Nicolas na altura di Ling Nam. Un homber di edad grandi a crusa caminda sin paga tino cu trafico.

E automobilista no a haya chens di reaciona a dal e homber cu spiel di e auto. E victima a haya herida na su brasa. Polis a cera caminda y Ambulance a yega pa atende cu e herido.

Na e sitio por a compronde cu e homber ta nenga di keda den un cas di cuido den bisindario. Famia preocupa a yega na e sitio un rato despues y papia cu autoridad riba e sucedido.