Senegal a impone contra tur pronostico riba Polonia, den e prome buelta di grupo H (2-1). Es mas, cu e triunfo di e Africanonan y tambe e logro di Hapon riba Colombia, e dos ekiponan aki ta lidera e grupo y parce cu e faboritonan por keda pafo di e octavonan di final.
E partido den e prome tempo tabata basta pis y den dje por a mira un bon planteamento di Denegal, cu a sa di potencia francamente bon su hungadonan mas peligroso. Aliou Cisse, seleccionador di e ekipo Africano, a propone un 4-4-2 cu e bloke bastante retrsa, incitando Polonia pa e habri pa asina horta e bala y sali cu speed, unda cu por a haya e hungadonan realmente dañino manera Sadio Mane, Ismaila Sarr of Mbaye Niang.
Polonia tabata den tur momento hopi tranca y dentro di e partido e tabata tin poco ocasion, tabata Senegal cual miho y cu ma peliger a sali pa e campo rival. Niang, demasiado individualista, a tira pafo den un opcion hopi cla, te cu den e di 37 minuut e cuadro Africano si a logra pone padilanti, cu un remate desde e formal di e area cu a toca na Cionek y a drenta den e meta Polaco tras despista Szczesny.
Den e di dos tempo, Nawalka a cambia e disposicion di Polonia, pero e ekipo a sigui bastante cera y sin haya ocasionnan cla di gol. E 2-0 pa Senegal a yega den un hugada bastante polemico ya cu colegiado a permiti Niang drenta tras di a wordo atendi, loke a despista Krychowiak, cu a cede na un Szczesny despisa, cu a yega laat y a mira con e delantero di Torino a anticipa pa pone e di dos.
Polonia a purba reacciona den e parti final y den ,minuut 86 a logra pone e 2-1, cu a pona algo di emocion danki na un gran cabesaso di Krychowiak, cu a drecha su fout den e di dos di Senegal. Sin embargo e Africanonan a logra defende bon nan bentaha y a suma tres punto cu ta antoha clavenan den su posibilidad di accede na e octavonan di final.
Foto: FIFA©
