Den fin di siman a tuma lugar e apertura di e pier y beach di Cura Cabay Zeewijk, un proyecto cu e piscadornan y habitantenan di e barionan tabata warda pa hopi tempo caba y finalmente a bira un realidad.
Parlamentario di POR, Alan Howell ta hopi content dip or mira cu e proyecto aki a bira un realidad. El a felicita Ministernan Otmar Oduber y Chris Romero cu tabatin e honor di realisa e apertura rondona di un cantidad grandi di piscadornan cu no por a sconde nan cara di felicidad. Howell a indica Minister Otmar Oduber tempo e tabata pertenece na e Gobierno anterior ta esun cu a cuminsa cu e proyecto aki y awo como Minister di Gabinete Wever-Croes tabatin e placer di inaugure.
Awo Cura Cabay/ Zeewijk ta conta tambe cu no solamente un centro di pesca bon ekipa, pero tambe cu un beach masha bunita cu tur esnan di e barionan rond y otronan por haci uzo di dje. Alan Howell a felicita tur piscador y habitante di e barionan cu e joya di proyecto cu nan por conta cune awo y cu tabatin un costo di 2.7 miyon Florin. Finalisando el a pidi cada un persona cu ta haci uzo di e facilidadnan aki pa por fabor cuida esakinan pa mantenanan den un bon condicion pa un y tur.
