Recientemente Scol di Musica Rufo Wever a entrega diploma na hobennan cu a sigui les di piano. A otorga diploma A y diploma B. E cursistanan cu a haya diploma A tabatin 2 aña tumando les y esunnan cu a haya diploma B tin por lo menos 4 aña hayando les.
E pianistanan cu a ricibi nan diploma ta: Jada Lewis, Jevon Lewis, Nicolas van Bezu, Soraine Leonard, Ayiana Paskel, Joel Buddy, Rashid Almarracin, Luis Angel Kelly y Jeancarlo Erasmus.
Pa inscribi por pasa na administracion na Scol di Musica Rufo Wever di dialuna pa diabierna di 1:30pm te cu 6:30pm. Scol di Musica Rufo Wever ta situa den Cas di Cultura piso ariba.
E alumnonan di Scol di Musica Rufo Wever a ricibi nan diploma for di man di Johnny Croes, docente di piano.