SADA riba aeropuerto: No mester laga algo pio pasa pa busca un solucion

Presidente di SADA, Eduard Maduro, e situacion cu ta reinando na aeropuerto, ta uno insoportabel, mirando cu nan tin cu traha riba un cantidad chikito di ambtenaar. Ora cu pone esaki na atencion di gerencia, nan ta haci menos caso di nan preocupacion, lamentablemente.

Awo pa gerencia, e ambtenaarnan tin cu sinta y soporta tur clase di insulto, tur clase di menasa, tur clase di agresion. A yega di sosode cu a scupi, a pusha y a menasa e duaneronan na warda. Y nan ta sin arma, sin ningun tipo di proteccion y/of boei pa por actua.

Sindicato di Aduana ta preocupa pa e siguridad na Aeropuerto

Sindicato di Aduana ta preocupa pa e siguridad na Aeropuerto

Posted by 24ora on Tuesday, February 5, 2019

Ta logico cu si no tin ningun tipo di material of armamento pa por defende bo mes ora bo ta haciendo bo trabao manera mester ta, y gerencia no ta wak esey, pa SADA a yega na un punto, cu ta hopi peligroso. Mirando ainda cu awor aki te hasta arma ta yega Aruba, manera nada no a pasa.

Aki a yega e caminda pa yega momento pa tuma decisionnan clave pa loke ta trata siguridad di e coleganan na aeropuerto. Maduro ta spera cu no mester warda algo pio pasa pa e ora ey bay busca un solucion. E ora ya ta laat caba.

Awor aki caba ta laat. Esaki no mester sosode ni awe, ni mañan, sino di aña pasa of dos aña pasa manera priminti. Pa SADA esaki ta un punto cardinal y preocupante pa loke ta e situacion na aeropuerto, sin laga afo di ora cu a elimina e minimaal bezetting, ora cu ta haya cu un ambtenaar ta haciendo su trabao, ta su so, ora di constata algo, no tin ningun tipo di proteccion, no tin ningun tipo di camara, pa si algo sosode, por tin un backup pa por wak kico a sosode.

Caminda cu e duanero ta trahando, no tin ningun tipo di camara cu ta yega eynan pa por capta kico ta sosodiendo. Pa SADA esaki ta hopi alarmante. Ta spera cu e yamada aki yega na oido di gobernante, parlamentarionan y mira e balor di e trabao di e duanero.

Si mira e balor di e trabao cu Duane ta haci na frontera, ta spera cu por wak esaki como un momento pa actua y tuma un decision, y no sinta warda wak kendenan kier of laga di kier.

Aki ta papiando di bida di hende cu ta core peliger, dado caso cos bira mas pio. Y tambe, mirando e situacion cu ta escalando na Venezuela, esaki mester ta mas un empuhe pa nan, pa por tuma cierto decisionnan. No por permiti algo serio sosode.