Directiva di Sindicato Aduanero di Aruba (SADA) ta yamando un reunion urgente pa tur miembro y esunnan cu no ta miembro pa papia riba e ‘prestatiemanagement’.
Na varios ocasion e sindicatonan SEPPA, SPA, TOPA, SIMAR, FTA y SADA a purba yega na gobierno pa splica riba e motibo cu mester anula e ley di ‘prestatiemanagement’ n’e forma cu e ta awo. Como cu no ta haya un contesta y no por yega na gobierno, no ta keda e sindicatonan nada otro pa tuma e siguiente paso den union.
Lo tuma un of otro tipo di accion riba e echo aki. Pero lo comunica na tempo ki tipo di accion ta bay tuma, cual ta referi “un ora of otro.” Ta pidi tur pa prepara, pasobra con e ‘prestatiemanagement’ ta hinca aworaki den otro, pan di cada un duanero como otro empleado publico ta na peliger.
