Awe nochi pa 7:20pm a spacha varios unidad di polis pa un pelea grandi den Watapana Gezaag na San Nicolas. Ora autoridad a yega na e sitio a scucha varios version di esunnan envolvi y di testigonan. Basicamente tabatin bringamento den e caya pero na mes momento un persona a mira con otro a saca un arma di candela mustr’e.
E situacion na e sitio tabata di tension halto, pa cual polis a core cu tur hende di e sitio y a manda tur cas. A splica nan cu si nan mester regresa, cu lo atende e asunto cu man duro.
Esun cu a bisa di a mira un arma no por a duna un discripcion cu polis por a haci algo cu ne mesora, aunke cu a keda di bay investiga si. Mayoria di esunnan eybou ta mucha of hobennan. Na tur a presenta 5 patruya di polis na e sitio.
