Diadomingo atardi 6:00pm a pidi presencia di polis na Noord Cura Cabay # 80 pa un yiu deremate den cas. Parce cu e homber tabata bou influencia y a lanta cu mama y tata den cas, den forma masha agresivo. Polis no a bacila y a deten’e mesora.
Cu un vehiculo special di transporte policial, a hib’e ward’i polis pa present’e eynan dilanti un sub fiscal pa mira kico ta sosode cu e homber aki. Diariamente polisnan tin man yen cu e tipo di asistencianan aki, cu mas bien ta problemanan social cu ta explotando den comunidad.
