Parlamentario di AVP mr. dr. Ryçond Santos do Nascimento a entrega un LOB verzoek unda e ta pidi un bista di cuanto hurista ta traha den e aparato gubernamental. Loke fraccion AVP kier sa cuanto placa ta gasta na abogado, consehero, huridico y etc.
Esaki ta pasobra nan sa fo’i CFT y Raad van Advies cu tin un gobierno cu ta bisa semper di gobierno anterior, e mega debe, etc. Pero na momento di mira post goederen en diensten fo’i 2015 te cu awo, esaki ta sigui crece. Esey ta e realidad. Santos do Nascimento a sigui bisa esun cu a mustra dede riba AVP pa gastamento di placa, locual nan ta haciendo ta aumenta gasto di gobierno aña tra’i aña y mas y mas.
Esaki ta e mesun hendenan cu ta canta, grita y bati riba pecho cu nan ta asina integro. Di mira kico ta pasando cu e gobierno aki, specialmente cu esunnan mas suak den e comunidad, di cual tin caso perdi dia 8 di juni 2022. E parlamentario a mustra cu gobierno ta perdiendo mas caso. Tin e gobierno cu a priminti bon gobernacion, fundacion bon gobernacion cu ta keto. E parlamentario a bisa cu tin yen caso perdi y gobierno tin di paga e gastonan aki.
Awo cu e situacion di Fundacion Lotto pa Deporte, no por lubida cu e minister di Deporte tin un caso andando y por wak esey riba e rol di corte. Tin un caso andando contra Ernst & Young, unda Fundacion Lotto pa Deporte ta partido, di cual ta partido y contra partido di e minister. Segun e parlamentario, esey kiermen tin un conflicto di interes di mas di 3 miyon florin. E mandatario tabata traha na Fundacion Lotto pa Deporte y e tempo ey, a traha yen contract cu e companianan di su ruman homber.
Pa mas lesa TREMPAN.COM.
