E Servicio di Informacion di Gobierno di Reino (Rijksvoorlichtingsdienst), ta informa cu Reina Maxima no ta evadiendo impuesto Argentino.
Reina Maxima ta posee tres tereno na Rio Negro. Segun e website di investigacion Argentino “El cohete a la luna”, e no a reporta e edificionan na e provincia y por lo tanto ta viola e reglanan.
Desde 2009, Maxima ta doño di cerca di 3000 hectaria cerca di riu Pichi Leufu, cerca di e ciudad di Bariloche, den e parti west di e pais, na e frontera cu Chile.
Tin edificio cu ta usa cu finnan turistico.
E madrina di Maxima, Marta Marcela Cerruti Carricart, ta maneha e edificionan riba finca La Estancia Pilpilcura, di cual uno ta bed & breakfast. RVD a bisa den un reaccion riba e mensahe: “Reina Maxima ta respeta e ley y regulacionnan vigente na Argentina, manera cu autoridadnan relevante na Argentina a confirma.”
