E caso di morto di Sarahi Sierra na De Vuyst awor aki a cuminsa causa un dolor mas grandi den famia. Esaki pa motibo cu nan a detene su ruman muhe Saryima Sierra, naci dia 11 di Januari, 2000, como un di e sospechosonan, den e morto di su mesun ruman muhe. E cos aki a bay asina leu cu despues di un investigacion profundo, a detene e sospechoso Chalgut. Ta wordo sospecha awor aki den e investigacion, cu Chalgut lo a bay horta na e cas na De Vuyst. Esey ta wordo sospecha.
Aparentemente e persona aki tabata den e cas, esta Sarahi Sierra, y a wordo mata. Esey ta un di e sospechonan cu tin riba Chalgut cu a wordo deteni como e prome sospechoso, despues di algun luna, cu e caso a sosode.
Mientras tanto, e investigacion no a para. Diabierna despues di un investigacion basta profundo, a bay over tambe pa detene e ruman muhe di 18 aña. E ruman muhe deteni aki, tin informacion di autoridad, cu e ta pareha of ta frei cu Chalgut. Chalgut tabata frei prome cu un tanta di e victima, pero awo, e ta frei cu Saryima Sierra cu ta e ruman muhe di Sarahi Sierra.
Tempo cu e asesinato a tuma luga, Saryima Sierra e tabata tin 17 aña di edad. Awo e ta sospechoso, e tin 18 aña y ta mayor di edad. Ta sospech’e di complice. Ta wordo menciona y sospecha cu el a bisa Chalgut, cu tin placa den e cas y eynan Chalgut a bay pa horta y e situacion a pasa unda cu Sarahi Sierra a wordo mata.
Awor cu Sarahi a wordo mata y a base di investigacion autoridad a logra bin tras di e ruman muhe cu a bisa cu lo tabata tin placa den cas. Awor tin dos sospechoso. Esaki sigur ta un sla fuerte. E famia, cu ta sufriendo cu morto di Sarahi, awo cu e mal noticia cu un di nan sernan keri, tambe ta complice den e caso lamentabel aki na De Vuyst. Saryima Sierra ta sera na warda di Polis na San Nicolas.
