Na inicio di e aña aki AZV a introduci nan propio aplicacion.
E meta di e aplicacion aki ta pa duna alrededor di 110 mil asegurado di AZV e posibilidad pa evalua e servicio di nan dokter di cas y asina purba di mehora e servicio cu nan ta ofrece na e comunidad. E aplicacion ta permiti pa evalua bo dokter di cas un bes pa luna y ta solamente pa duna score riba e servicio y experiencia di e asegurado. Pa entrega keho, e asegurado mester acudi serca e comision cu ta encarga cu esaki.

Actualmente e aplicacion ta na Papiamento y e ta limita pa evalua e servicio cu e dokter di cas ta ofrece na e aseguradonan. Intencion ta pa haci’e den otro idioma y expande pa tur otro servicio cu e aseguradonan di AZV ta hayando. Sea di specialistanan, servicio di ambulance, boticanan, Imsan etc. Den futuro kier integra tur e servicionan aki, pa asina e aseguradonan di AZV por duna un evaluacion completo y asina yuda mehora tur servicio.

E asegurado por download e AZV rating app usando Google Play of Apple App Store pa medio di nan smartphone. Aunke e usuario ta keda anonimo, toch e mester registra su number di AZV pa haci uzo di e app aki. E asegurado ta keda conoci cerca AZV, pero no ta divulga esaki na e dokter di cas, asegurando asina nan privacidad.

Comments

comments