Durante e tratamento di Presupuesto 2023 den Parlamento riba 8 di november 2022 minister Endy Croes no a bisa e berdad y na Hulanda ta considera esey un ‘doodzonde’ pa un minister bisa mentira na Parlamento. El a declara cu ex minister Lampe a otorga e edificionan di Juliana y Beatrix school na inversionistanan priva y cu esey ta e motibo cu tin un caso den corte. Un mentira flagrante, ya cu e edificionan di gobierno ta cay bao responsabilidad di un minister di infrastructura. Den e caso aki cualke decision tocante Juliana y Beatrixschool ta den man di mr. Evelyne Wever Croes, Minister di Infrastructura, di e mesun partido MEP cu Minister Endy Croes.
Den ex-Minister Lampe su ‘overdrachtsdocument’ na pagina 19 ta para lo siguiente: “Juliana en Beatrix gebouwen bevinden zich in een vervallen staat. In 2014 en 2016 werden de gebouwen geevacueerd. Overheidskapitaal is er niet om deze te restaureren. Deze gebouwen bevinden zich in een ‘prime location’ waarbij een andere bestemming op zijn platas is. Kenniseconomie was een van de kernwoorden van het regeerakkoord. Een international ‘medical university’ is bereid zich hierin te vestigen, met prive kapitaal zal het gerestaureerd worden, en overeenkomsten zijn gesloten met eigenaar van appartementen in Caya Grandi opdat internationale studenten nieuw leven kunnen geven aan de Downtown area’.
“Mi ta duna sugerencia con pa duna contenido na e acuerdo di gobernacion, pero ta minister di infrastructura, cu no tabata ami, ta tuma decision riba edificionan di gobierno”, Lampe a indica. El a sigui bisa cu Minister Endy Croes a yam’e pa hende loco, pasobra den social media Lampe lo a claim cu tur cos ta su logro. Pero, un biaha mas, Minister Endy Croes ta malinforma parlamento: no tabata Lampe sino un grupo di profesional cu ta haci analisis politico a crea un pagina unda ta mustra cu minister Endy Croes ta pronkia cu pluma di otro.
Ademas tur proyecto di cual minister Endy Croes a papia di dje den Parlamento ta para literalmente den ex-Minister di Enseñansa, dr.. Rudy Lampe su overdrachtsdocument, un documento publico. Minister Endy Croes a menciona con contento tur hende ta cu e verhuizing di Beatrixschool na edificio di Paso pa Futuro, wel na pagina 18 y 19 di Lampe su overdrachtsdocument ta para e plan di verhuizing y minister Endy ta uza e mesun palabranan cu Lampe a skirbi: “Beatrixschool kan een definitieve huisvesting vinden in het gebouw van Paso pa Futuro, een te groot gebouw voor een kleine school als Paso pa Futuro”. Minister Endy a menciona cu Beatrix tin riba 300 alumno y cu Paso pa Futuro tin alrededor di 100 alumno. E unico diferencia ta cu ora ex-Minister Rudy Lampe a presenta e plan tabata tin protesta, y awor cu e no t’ey a realisa e mesun plan sin protesta.
Minister Endy a papia di CINOP y Landenpakket y doorstroom, y ta exactamente loke ta para na pagina 16 di mi overdrachtsdocument: “Het landenpakket bevat ook de hervorming van ons beroepsonderwijs, met name wordt gevraagd voor een betere doorstroom van EPB naar EPI. Vooruitlopend op de resultaten van de doorlichting en om hieraan te voldoen is er op 25 augustus 2021 een Samenwerkingsprotocol ondertekend tussen SEPB en DPS om te komen tot invoering van doorlopende leerlijnen op niveau 2, 3 en 4. Dankzij de inbreng van CINOP wordt versneld ontwikkeld en ingevoerd drie doorlopende leerlijnen van in totaal 12 geselecteerde opleidingen op niveau 2, 3 en 4. Er komt een nieuwe opleiding ICT en bestaande opleidingen worden geactualiseerd naar meer competentie gericht onderwijs”. Lampe laga esaki firma y paga.
Minister Endy a papia di PEL, wel esaki ta poni na pagina 14 di e overdrachtsdocument bao di lista di initiativanan nobo: “Plataforma Educacion y Labor (PEL): samenwerking gezocht met ROA CN”. Minister Endy a papia di PEN 2030, wel na pagina 5 caba di e overdrachtsdocument Lampe ta duna e keywords di PEN 2030, Plan Educacion Nacional 2030: “Flexibilisering van het onderwijs, Digitalisering van het onderwijs, meertaligheid in het onderwijs en gepersonaliseerd onderwijs”. Aki tin indicacion caba cu a haci escogencia pa educacion multilingual mescos cu nos sociedad ta multilingual. Minister Endy a papia cu awor numa ta bay haci escogencia di idioma.
Minister Endy Croes a papia di renobacion di scol St. Aloysius. Na pagina 18 e ta aparece bao di e lista di asuntonan cu merece atencion urgente: “renovatie St. Aloysius”. Y e ex-mandatario encarga cu enseñansa a manda carta pa SKOA na augustus 2021 ofreciendo pa SKOA mes ehecuta e proyecto aki, ya cu no ta permiti gobierno hacie, y a pone fondonan disponibel den presupuesto 2021 y 2022 pa esaki. Minister Endy a papia di rapport doorlichting, mira loke ta poni na pagina 15 di e overdrachtsdocument: “In september 2019 heb ik mondeling aan de Inspectie Onderwijs Nederland gevraagd in het bijzijn van OCW Bonaire om een doorlichting uit te voeren van het Nederlands onderwijssysteem op Aruba. Het was toen financieel niet haalbaar, maar het werd uiteindelijk opgenomen als voorwaarde voor de liquiditeitssteun en deze doorlichting is nu in uitvoering… De aanbevelingen moeten worden uitgevoerd en deze hervormingen van het Arubaans onderwijs zijn noodzakelijk” Y den cuadro di e doorlichting tin technische steun for di Hulanda pa actualizacion di nos leynan di educacion, di cual minister Endy Croes a papia di dje. Como minister, dr.. Rudy Lampe a pone e prome stap, esta recuri na nos propio profesionalnan, el a pone tres hurista na Directie Onderwijs banda di loke tin caba pa traha riba actualisacion di nos leynan, pero e no a resulta productivo, y cu den cuadro di doorlichting ta haya apoyo externo cu ta necesario.
“Y asina por sigui, pero mi punto ta cu minister Endy ta yama mi pa loco djis pasobra tur e proyectonan cu e ta papia di dje den Parlamento ta poni den mi overdrachtsdocument y e no kier pa pueblo sa esaki”.
MEP kier pinta cu RED no a haci nada, cu RED no ta sirbi, pero ata e overdrachtsdocument ey cu tur hende por wak tur loke RED a haci y cu ta continua.
“Ami si por bisa cu Minister Endy a gaña parlamento en cuanto edificionan di gobierno di Juliana y Beatrixschool.”
