Rudy Geerman: Florin no tin e balor di antes mas

Aunke cu Rudy Geerman no ta envolvi den e asunto di Indexering, el a duna su comentario riba esaki bisando cu indexering ta un concepto pa e trahadonan recupera loke nan a perde den nan poder di compra.

Aunke e no ta envolvi directamente den esaki, e ta bisa si cu ta importante cu si e trahadonan tin derecho ey, y berdad costo di bida a subi, bo mester purba di recompensa esaki. “Tur trahado merece di wordo recompensa. Un indexering no ta nada otro cu algo pa mantene bo poder di compra. Awo e florin ya no tin e mesun balor mas. Antes bo tabata haya cierto producto cu un florin, pero awo e cantidad di productonan a bira menos. Semper ta bon pa keda drecha e poder di compra di e trahadonan. Nos ta para 100% nan tras.”

Rudy Geerman: Florin no tin e balor di antes mas

Rudy Geerman: Florin no tin e balor di antes mas

Posted by 24ora on Wednesday, July 10, 2019

Cerca su miembronan sigur FTA ta sinti cu e poder di compra di e trahadonan a bay atras. Costo di bida a hisa y e productonan di prome necesidad y tur otro productonan. E placa cu bo tin pa gasta na cuminda a aumenta y si no haya ahustacion, tin cierto cosnan cu no por sigui cumpra. Aunke ta algo cu bo no por premira, ta algo cu mester tene cuenta cun’e pa haci e ahustenan den e salarionan.

Comments

comments