Pa hopi tempo, e dos partidonan politico mas grandi di Aruba ta tambe e rivalnan mas grandi di nos isla. Semper tabata tin acusacionnan di corupcion di ambos banda.
MEP semper a acusa partido AVP di ta corupto. E tempo ey a bisa bon cla, cu MEP nunca lo traha cu AVP ya cu partido AVP ta Universidad di Corupcion. Pero actualmente tin asina tanto caso di corupcion den MEP, cu kisas un dia e dos partidonan aki lo traha cu otro? Riba esaki, Ricky Hoek, Presidente di MEP a bisa cu esey ta deseo di pueblo pa un dia e dos partidonan mas grandi di Aruba, traha hunto. Pero den e 37 añanan di Status Aparte, nunca e dos partidonan no a yega asina cerca di otro pa nan por traha hunto na bienestar di nos pais.
Pero, Hoek a bisa, no ta descarta cu esaki lo por sosode den futuro. Si di awo padilanti tin e leynan di combatimento di corupcion, asina ta haci un limpiesa den e dos partidonan mas grandi cualkier dia, den e proximo eleccionnan, AVP cu MEP por wak tur dos partido traha hunto.
