Cuerpo di Douane ayera a pone trabao abao pa un rato. Gerencia y e sindicato tabata tin un acuerdo firma cu mediador y e minister anterior.
Director di Douane, Ricky Croes ta un di nan cu a firma, hunto cu SADA. El a splica cu esaki no ta un problema mucho grandi. Tabata tin berdad un convenio cu a wordo firma entre SADA, minister y e mes a firma. Tabata un convenio caminda cu e miembronan di SADA a pidi pa drecha nan salario y den e cuadro ey minister a institui un comision cu a traha riba e parti di functiehuis. E parti aki no a keda cla completo.
Na Augustus el a wordo paga un parti y na Januari tambe mester a wordo paga. Tin di compronde di DRH y tambe di DWJZ cu e motibo cu nan no a hay’e den nan salario cu e no a wordo poni den ley ainda. E mester wordo poni den un LBham pa e wordo paga. Pero esaki no a sosode. Segun cu tin di compronde di DWJZ e caminda legislativo ta tuma su tempo.
Tambe tin di compronde cu SADA a bisa cu nan a tene un reunion pa bay minister y pa e minister duna nan un status. Loke nan kier a tende cu si e ta den proceso.
Cuanto tempo e ta durando
Croes a sigui splica cu tabata tin algo cu a cuminsa tempran aña pasa y na final el a caba na Juni aña pasa. Despues el a wordo firma. DRH tabata tin tur e stuknan cu mester a bay DWJZ, pa asina pone tur cos den ley. El a cana su caminda normal, segun Croes.
Un derecho
Esaki ta un derecho. E douaneronan kier mira un mehoracion di salario, trabao ta bira pisa, e druk ta bira hopi. Segun e director, mirando cu nan ta trahando, nan ta haciendo nan trabao como debe ser y tin otro dienstnan cu tambe ta traha duro ta bay dilanti y nan ta bisa cu nan tambe merece algo. E trabao cu nan ta haci ta pone cu nan merece di haya algo.
