Personanan trahando como werkster pa Stichting Katholiek Onderwijs Aruba (SKOA) ta sumamente preocupa.
Nan ta hayando informacion cu e intencion ta pa kita nan tur for di trabou. Manera ta conoci, mayoria scol tin 2 werkster cu ta wordo paga door di SKOA. Esaki ta nifica cu tin mas o menos 100 persona, kende nan pan ta na peligro. Tristo ta cu hopi di nan tin 10 of 20 aña trahando di e forma aki cu e Stichting, cu nan posicion huridico lagando hopi di desea.
Pa e motibo aki ta pone un reunion cu caracter di urgencia pa diamars atardi 4.30 na sede di sindicato SEPPA, na Hato. Ta pidi pa tur werkster acudi pa haya e informacion necesario di kico lo bay pasa.
