Diabierne cu a pasa, a start e tercer edicion di e torneo pa Campeonato Nacional di ahedres pa anja 2018.
Segun e formula, nos a invita e mihor 10 hungadornan activo aki na Aruba pa participa.Tur e partidanan lo wordo hunga den e cantine di APFA-building na Seroe Blanco.
E campeonato a start door di promer zet haci door di Sylvi Cabral, un hungador di 7 anja, cu a kaba di gana oro den categoria U-8 na Carifta Suriname.
E hungadornan cu ta competiendo pa e titulo mayor den ahedres pa anja 2018 ta: Jose (Chelo) Pesqueira, Octavio Croes, Angelo Franken, Brian Diaz, Hubert (Randy) Tromp, Enrique Jacopucci, Daniel E. Diaz, Ethan S Croeze, Ilya Stetsenko y Alvin Howell.
E promer 5 rondnan a wordo hunga, y despues di 5 rond, nos tin na cabez, Brian Diaz cu 4 punto for di 5. Despues ta sigui cu 3 ½ punto, Chelo Pesqueira y Randy Tromp.
Nos hungador mas bieuw Enrique Jacopucci ta sigui cu 3 punto na di 4 lugar.
Otro siman, e Campeonato Nacional ta continua cu e di 6 rond.
Diabierne 13 di Maart pa 8:00pm, lo topa otro
Alvin Howell – Ethan Croeze
Ilya Stetsenko – Daniel Diaz
Chelo Pesqueira – Enrique Jacopucci
Octavio Croes – Randy Tromp
Angelo Franken – Brian Diaz.
Diasabra 14 di April e di 7 y 8 rond lo wordo hunga pa 2:00 y 8:00pm.
Y diadomingo pa 11:00am, e ultimo rond di nos campeonato nacional 2018, lo wordo hunga.
Entregamento di premio, lo tuma lugar despues di e ultimo partido (rond di 3:00pm).
Ganador di e campeonato aki, lo bira Campeon Nacional di Aruba pa anja 2018.
E Campeonato aki, ta wordo gesponsord door di Blue Lotus Holding y Comision di Subsidio (Lotto di Aruba).
