A base anual, mas of menos 4 pa 5 mil cacho y pushi ta wordo laga atras pa nan doño na Wayaca. Mester ta conciente cu nan no ta bay voluntariamente na e afmaakhok. Segun Riem van den Berg, director di Veterinaire Dienst, Responsable Petownership ta hopi importante y hendenan cu kier bestia mester tene cuenta cu tin responsabilidad mara na dje y esey mester por compronde bon.
E afmaakhok ya pa hopi aña ta eynan, pa motibo di e hecho cu si e hoki eynan no tey, cu e bestianan aki lo wordo poni riba caya pa esnan cu no tin responsabilidad, haciendo asina e problema mas grandi. Si pushi y cacho yega den e afmaakhok, nan lo wordo poni drumi y esey ta sosode por medio di un inyeccion, cu ta un medio reconoci internacionalmente. Esey ta e unico manera cu e bestianan aki ta wordo poni drumi. Otro maneranan no ta real y tin hopi reaccion riba esaki. Si bo ta haci uzo di social media, check prome e informacion riba social media, prome cu bo like algo.
Ta tristo berdad cu e bestianan aki ta wordo laga atras. Veterinaire Dienst ta tuma su responsabilidad cu e bestianan aki no ta yega riba caya. Pasobra esey tampoco no ta e solucion. E unico solucion ta educacion, educacion y educacion, pa asina tur doño di bestia sa cu nan tin un responsabilidad pa cu nan bestia y tin cu mantene nan mes na esaki.
Si nan no kier pa nan bestia haya mas yiu, sterilisacion ta hopi importante y ta tambe un responsabilidad di e doño.
Si nos pone e bienestar di e animal central na Aruba, e ora e responsabilidad di cada doño mester bin dilanti. E ora poco poco den futuro, por deshaci di e afmaakhok, solamente destina pa bestianan cu ta sufri di un malesa of debi na biehes, cu por wordo poni drumi.
Mayoria di e bestianan cu ta wordo laga atras, ta puppies, cachonan hoben, pushinan hoben y si e bestianan aki no wordo sterilisa y ta bin riba caya, e ora bo por deduci cu dentro di 10 aña cuanto bestia tin ta cana rond riba Aruba. Ya nos tin un responsabilidad den esaki y mester ta bon cla. Un manera cu wordo laga atras pa nan doño, cu ta wordo poni drumi, ta wordo haci via un spuit cu ta reconoci internacionalmente.
Hendenan mester ta responsabel
Un cambio di nomber no lo soluciona e problema. Ya e ta den boca di pueblo. Solamente educacion y mustra hende riba nan responsabilidad pa tin un mascota, mester cuminsa cun’e y esey mester ripiti’e entre tur. Hendenan ta esun cu ta laga e bestianan atras. E bestianan mes no ta bin di nan mes. En principio esey ta e problema.
Segun van den Berg, no ta algo dushi con e bestianan aki ta haya e spuit. Mirando cu ta un maneho hopi enfoca y for di eynan tambe si e profesionalnan cu ta euthanaseer e bestianan, ta drenta paden y ta cera porta, pasobra mester realisa cu ta traha cu un hangua y lo ultimo cu bo kier ta haci bo mes daño. Ta un trabao enfoca pa percura cu cada bestia wordo poni drumi na e manera corecto. No ta un trabao dushi pa haci. E profesionalnan ta hay’e teribel, pero ta parti di e trabao pa percura pa no haya un aumento explosivo di cacho y pushi. Pasobra esey tambe ta un bista fastioso pa nos sector turistico. For di eynan tambe ta pro pa campañanan di sterilisacion. Pero solamente cu e campañanan aki no ta un solucion. E toestroom tambe ta grandi cu e shelternan no por tuma hopi. E comienso ta cerca e doño pa duna bon cuido y laga sterilisa nan bestianan, pa esakinan no sigui haya mas yiu.
E cantidad di bestianan cu ta wordo laga atras pa nan doño, ta hopi mas cu e bestianan cu ta wordo adopta for di un shelter. Esey no ta un riba un. Eigenlijk tin acuerdonan cu shelter, cu ora nan tin luga cu un bestia por wordo tuma, naturalmente e bestia mester ta saludabel. Esey por ta un 4 pa 5% di e casonan. Shelternan no semper por tuma e animalnan, luga ta hunga un rol.
