Laga nos keda keto y haci loke nan bisa nos, paso na e isla chikito ki, nos sa caba con cos ta bay.
“Si bo no haci loke mi bisa bo of bo durf di bisa algo, MI TA BIN PABO”.
Represaya (represalia) ta un accion di castigo, of venganza cu un persona ta tuma contra otro persona como contesta pa un accion anterior.
Dicon nan ta tuma represaya?
- Sed pa poder: Tin persona nan ta gusta mustra cu nan tin poder. Nan ta biba di esaki. Nan ego ta asina halto cu nan ta sinti bon di kibra otro y wanta otro abou pa asina nan keda cu e poder.
- Insiguridad: Tin otro ta uza esaki, paso nan tin miedo pa nan wordo exponi ken di berdad nan ta of expone nan incompetencianan.
- Silencia bo: Otro ta silencia bo, paso bo a wak of sa di iregularidad cu ta of a tuma luga.
- Envidia: Tin ta wanta bo abou mas cu e por paso si bo logra sali for di su poder, bo ta crece y logra mas cu ne.
Con esaki por mustra den e contexto laboral?
Den e contexto laboral, un represaya ta pasa ora un hefe of compania ta castiga un empleado pasobra e empleado a haci uzo di su derechonan (manera raporta corupcion, denuncia acoso, duna un keho, of uni na un sindicato).
- Hefe por tuma represaya door di por ehempel:
- Cambia bo orario di trabou sin motibo valido
- Kita tarea nan importante for di bo
- Exclui bo di decision/reunion importante
- Traha evaluacion negativo cu no ta berdad
- Nenga bo promocion of aumento
- Kita bo for di trabou sin motibo valido
Kico nos por haci?
Documenta tur cos, skirbi loke bo por skirbi, mail loke bo por mail, warda mensahe nan cu bo por warda. Raporta na hefe mas ariba (Si por). Raporta na HR. Bay bo sindicato. Busca bo abogado. Y ban spera cu e hefe por reflexiona UN dia.
Skirbi pa Gillmar Werleman
