Un discusion cu tabata tin den e ultimo dianan durante e reunionnan di IPKO, a base di investigacion haci door di dos profesor, cu si lo no ta miho pa nombra un representante den Tweede Kamer pa cada isla.
Riba e ponencia aki, Rennox Calmes, lider di fraccion y parlamentario di Trabou pa Korsou (TPK), a bisa cu na Corsou esaki no ta topico, pues no por bisa con e ta zona na Corsou.
Personalmente e no ni kier papia riba e topico, pa motibo cu ta for di december 2021 Hulanda a bin ta pusha esaki den un forma via nan representante, haci presentacion. Y awo, den IPKO Hulanda ta bin cu tres proposicion. Y cu e parlamentarionan ta liber pa bin cu nan mesun proposicion.
El a tuma nota cu Hulanda kier tuma e islanan di haci y cu diripiente aworaki kier papia di colonialismo y sclavitud, pero ora cu e islanan a bin cu proposicion pa papia di e tema aki den Nacionnan Uni, esaki no a tuma luga. Ora cu e puntra nan coleganan di St. Maarten Frances, nan ta desea di tin un gobierno manera esun di St. Maarten Hulandes, cu tin su mesun parlamento y cu nan mes ta dicidi. N’e parti Frances, nan tin dos representante den parlamento Frances, pero e pais ta asina leu cu nan no tin comprondemento.
Pa lesa mas subi TREMPAN.