Di parti di Deparatamento di Agricultura, Cria y Pesca Santa Rosa tin tin varios di esnan cu ta registra serca nos. Nos ta papiando aki di nos agricultor y criadonan di bestia. Esaki sigur ta uno hopi importante pabo hasi esaki personalmente na nos oficina.
Nos ta trahando riba un sin fin di idea y plannan cu ainda cu mester bai wordo ehecuta y sigur na beneficion di tur esnan cu ta productornan cu ta registra serca nos. Otro punto ta tambe di hopi importancia ta cu na momento cu nos tin informacionnan pa duna den forma di “nochinan Lezing” nos por acerca tur esnan cu ta registra serca nos na un manera mas organisa y efectivo posibel. Asina ta no duda den registra serca nos. Por pasa libremente na orario di oficina cu ta di 7’ or di mainta te cu 3’or di atardi pa asina bo registra. Pabo hasi esaki serca nos bo mester tin bo papelnan di tereno, ID valido, un number di contacto y kico bo ta practicando riba bo tereno.
E motibo principal dibo registro serca nos ta debi cu nos tin varios proyecto hunto cu diferente otro instanci manera un di nan sigur cu ta WEB Aruba NV pa e asunto di awa pa agricultornan. Esaki sigur nos mester ta disponi di informacionnan oficial di e productor pa nos por yega na un mihor plan pa loke ta awa pa agricola.
Tene bon cuenta cu tur a keda ariba menciona pa bin cu esakinan sin falta. No yega aki na Santa Rosa sin ningun tipo di papel sino lo bo mester bolbe na un otro ocaccion pa hasi e registracion.
Por hasi esaki serca srta. Jennifer Gamez kende ta e persona encarga pa atende ru esnan cu ta bin pa registra serca nos aki na Santa Rosa.
