Red Fish a haci cierto adaptacionnan basa riba e protocol y por yama tur su clientela bek. Asina cu yega cerca nan ta bisa tur cliente bon bini cu un sonrisa y hand sanitizer na entrada. Como cu ainda ta handel e parti di take out y delivery di cuminda, nan tin stickernan di indicacion unda clientenan tin cu para.
Pa clientenan cu ta sinta come na Red Fish, tin flechanan di indicacion unda nan mester pasa pa sinta y disfruta den e terras. A adapta na e cambionan teniendo cuenta cu e 1.5 meter di distancia y asina aki e mesanan ta leu di otro. Unabes sinta na mesa, e waiternan lo acerca e cliente. Por haya e menu di Red Fish riba nan Facebook page of website www.redfish.com, unda por haci pedidonan pa take out, delivery of reservacion na 2806666.
Di a habri bek tabata un momento grandi pa Red Fish y e staff, pasobra despues di 2 luna a habri bek pa atende clientenan. Segun Carolina Raven di Red Fish, tur loke nan a haci ta pa proteha e clientenan y empleadonan. Nan a enforsa e labamento di man, uzo di hand sanitizer, di cushina te cu padilanti a tuma tur rekisito pa sigura di tin e miho sistema cu ta sigura higiena personal pero tambe na e restaurant.
Pa e clientenan cu bin sinta come eyden ta haci uzo di menu geplastificeerd cu por haci limpi despues, pero si ta prefera di no uza e menu por mira esaki riba Facebook. Waiternan no lo yega cerca di e mesa pa tuma pedido. Cliente por yama pa reservacion of simplemente cana yega y sigui e indicacionnan pa sinta na e mesa cu ta disponibel.
Raven ta gradici su clientenan fiel pasobra sin nan esaki no por ta posibel. Ta consciente cu hopi restaurant no por habri, pero pa nan esaki ta un privilegio y honor pa tin e clientenan bek. Di a sostene Red Fish door di delivery y take out, awo por sinta den e terras, unda cu e staff ta hopi entusiasma pa sirbi e clientenan.
