Tin varios speculacion encuanto e caso di e piscado perdi Paulus “Pau” Martijn y capitan di e boto Gislaine A-2602 tipo Piñero, Reangelo Stamper, ta duna su version. E ta conta cu tin hopi cos cu ta papia rond cu no ta berdad. “E tipo di cosnan aki ta tiki molester,” el a bisa.
E situacion aki, no ta nada facil pa niun hende. Ta un ser keri, un bon amigo, famia, y ta haciendo tur posibel awor aki pa por busk’e.
Loke si Stamper a bisa cu nan tabata cuater persona riba e boto. Dos di nan ta dive y e otro dosnan ta tira bista y por tene e boto na e sitio.
Den e caso aki Stamper a baha prome biaha. E situacion bao di awa no tabata mucho agradabel. Como diver ta baha y pa haci loke nan sa haci.
Den e di dos biaha, Stamper a baha Paulus kende a baha bon. Ora cu el a subi, en berdad el a bisa cu awa tabata tiki sushi manera cu a indica na prome biaha y tabata bay duro direccion nort.
Ta algo cu nan sa haci constantemente. Ta loke nan ta haci tur dia pa gana nan pan A baha Paulus di dos biaha. Di dos biaha nan mes a check su safety, su tanki, arm’e, yud’e, check si tur cos ta na ordo prome cu bah’e. Pau ta un persona cu ta haci esaki pa hopi aña. E tin su experiencia y su amigonan tambe sa con e ta haci cu su cosnan.
A base di esaki el a baha. Dependiendo con e coriente ta den awa, cual den e caso aki tabata hopi duro y mirando esaki, e oxigeno cu e ta uza den su dobel tank, ta dur’e por lo menos 1 or y 15 of minimo 45 minuut. Depende con e persona su situacion ta bao di awa.
Si e coriente ta hopi duro, ta haya cu ta hala mas rosea cu normal. Tur esey por ta posibel. Aki, Stamper a baha den awa ora cu el a mira cu e 45 minuut cu ta normal a pasa. Stamper a baha y Paulus tabata eybao ainda. A base di esey e tabata mustra bon. Tur cos tabata andando bon.
Stamper a subi bek ariba, pa bisa e siguiente capitan, cu Paulus ta abao. A cuminsa conta su ora un tiki mas. Mas tarda e por ta 20 of 30 minuut despues di e 45 minuut. No a haya despues ningun reaccion mas di e persona, no a haya su señal cu e ta biniendo ariba. “Ora e ta bin ariba por wak su bubblesnan. Via bubbles ta haya sa e ora cu un hende ta decompress pa e bin ariba.”
E boto tabata na e boei unda cu normalmente e tabata suppose di lanta. Loke a pasa tambe, cu Stamper a wak su ora pasa y e mes baha mas p’ariba di e boei unda cu normalmente ta bah’e. Eynan a bin ripara cu un skopet tabata den fondo y e mes no tabata t’ey. Ey a ilustra cu algo por a pase abao of el a lanta, pero no a lanta den bista di e otronan. Sinembargo, e por a lanta p’abao di e boto of e por a lanta mas den nort, manera cu awa normal ta carga nan bay nort.”
El a sigui splica cu e coriente tabata asina duro cu a base di esaki, e di tres biaha cu Stamper a baha el a bay wak si tur cos ta bon, pero e no por a hay’e bao den awa.
Esey ta nifica cu e lo a bin ariba, manera cu por a pensa. E di dos pensamento ta cu sea cu el a tira un pisca, e pisca por ta a cargue hiba den varios direccion. Si tira un pisca y e lastrabo, unda cu e dicidi lastrabo e ta haci’e. Stamper a subi boto y a tira un circulo y a drief rond, a base con e coriente ta hiba e boto of nan mes si nan ta den awa. Pero nada ainda di Paulus.
A cuminsa rondia Paulus y bay bek na e boei. Eynan a ristra e boei pa wak si e ta bin ariba. A hasta pega un extra boei riba e boei door cu e coriente tabata hopi duro. Si bay for di e luga e coriente ta sak e boei. Ora cu bin bek mester bin bek riba e number di GDP. Un boei ta mas visibel pa por yega unda cu e por ta. Sinembargo den e caso aki, ta bisa cu cada un di e tres personanan tin un declaracion diferente di otro. Te asina leu, no a puntra Stamper kico exactamente a pasa, el a bisa.
