Den e temporada di Carnaval Fundacion pa nos muchanan (FPNM) hunto cu Quota (QIA) International of Aruba a introduci un ‘Like & Share Campagne unda bes mas.
E motibo pa esaki tabata pa concientisa comunidad di Aruba tocante e bienestar general di nos muchanan durante Carnaval. Manera e añanan anterior FPNM ta duna informacion tocante e bienestar di nos muchanan durante carnaval. E aña aki esaki tambe a wordo haci y a enfoca riba e importancia di uso di Earplugs.
E campañia tabata un exito caminda cu a varios di muchanan usando earplugs durante e temporada di Carnaval. Aunke por a saca dos ganador so, Fundacion Pa Nos Muchanan & Quota International of Aruba ta sumamente contento pa wak e cantidad di mucha cu a haci uso di earplugs durante carnaval. A base di e cantidad di ‘Likes & Shares’ e ganador a wordo saca. Aziza y Zara Clark a gana e premio di mas shares y Arnold Malmberg a gana e premio di mas Likes.
Nos kier a felicita e ganador nan una bes mas y tambe gradici e mayornan di ganadornan pero tambe e mayornan cu a coopera cu nos ‘ Like & Share Campagne’. Ademas Fundacion Pa Nos Muchanan kier gradici Quota International Of Aruba pa e cooperacion pa cu e campañia aki. Nos lo ripiti e campaña aki a 2021 pa asina nos por sigi concientisa comunidad y cuida nos muchanan!
