RBC ta conoci como un banco cu regularmente ta lansa campaña sensacional pa su clientenan. Nan a caba di lansa un campaña di hipoteca pa tur cliente, cu a cuminsa desde siman pasa. Joanaila Geerman-Lacle, Branch Manager di RBC Sasaki, a splica cu e campaña ta termina te dia 26 di mei.
RBC tin su campaña di hipoteca pa esunnan cu sea ta buscando un cas of pensando pa traha un. Awor ta e ora pa bishita RBC Bank y haya sa kico tur ta bo opcionnan di financiamento. Un di e representantenan di RBC lo comparti tur informacion na cada cliente y a base di e campaña, nan por haci bo soño bira un realidad!
FINANCIAMENTO
Si e cliente tin un cas caba, e por presenta na RBC Bank cu un acta di e cas cu tur informacion. Si e persona ta cobra pa luna, e mester tin su ultimo dos payslip, si ta cobra pa kinsena, ta e ultimo cuater payslip y un carta di trabou. Geerman-Lacle a indica cu si e cliente no tin eseynan ainda, e por pasa y un di e representantenan por splica mas detaya kico tur ta e rekisito pa un fiansa na RBC Bank.
Pa loke ta construi un cas, e por bira un tiki mas. Aki lo mester informa cuanto lo sali pa construi e cas. Pero semper e representantenan di RBC t’ey pa guia y splica kico tur mester p’e peticion. E proceso por ta un tiki largo. Si cuminsa desde trempan, por informa kico ta locual cu mester tene cuenta cu ne pa yega n’e cas di bo soño. Tambe si ta un tereno propio of tereno erfpacht, tur e tipo di informacionnan asina ta valido y necesario.
TA YEGA N’E CLIENTE
Compara cu otro banco, RBC Bank ms ta esun cu ta yega n’e cliente. Ta importante pa informa RBC, si no por yega pa asina nan mes pasa bishita bo, sea na trabou, na cas of unda e cliente ta desea. Asina ey ta haci henter e peticion y duna conseho di tur loke mester haci. Esey ta loke ta haci e banco aki unico!
Nan ta yama nan mes Financial Dream Advisors, pasobra nan no ta bende e cliente e cas. Sino, nan ta percura cu e ta fit p’e persona, e ta algo p’e practico p’e persona. Geerman-Lacle a indica cu cada cliente ta diferente. Y loke ta importante ta cu a base di loke e cliente ta bisa nan, nan ta mira kico por logra p’e cas di su soño.
Nan orario ta for di 8:00 am te 4:00 pm, pero nan ta flexibel a base di schedule di e cliente. No ta prome bes, pero tin consehero di finansa cu a bay den ora di atardi. Nan ta keda flexibel pa asina papia cu e cliente y duna e conseho cu e cliente mester. E no ta un decision facil, p’esey nan kier duna e miho conseho cu tin pa yega n’e cas.
E hipoteca cu RBC ta ofrece ta na 5%, pero tambe nan ta cubri e closing fee y parcialmente e switch cost. Riba e website di RBC, esta www.rbc.com ta haya e calculator di hipoteca. E ta puntra algun informacion y aki ya caba e cliente por haya sa mas of menos kico e por haya fia y cuanto e lo mester paga mensualmente. Esey ta un privilegio cu e cliente tin na su disposicion 24/7.
