Diadomingo anochi alrededor di 8:40pm, coriente a bay den varios area den e bario di Tanki Leendert y Tanki Flip. NV Elmar a activa su tecniconan mesora cu den un rato di ora a descubri cu un rabo di fli a pega den un kabel di coriente, na altura di e veld di Tanki Leendert. Probablemente esaki ta hendenan cu ta bay laga fli den aire henter anochi y sin supervision.
Variacion den biento probablemente a causa cu e fli a baha y e rabo a pasa den e cashi di coriente riba e palo di luz y causa daño innecesario, lagando un bario den scuridad pa un rato. E gastonan aki ta core pa ELMAR mes pasobra ningun hende a sali responsabilisa pa e fli.
