Parlamento: Prohibi foambox desde otro aña

E mocion presenta pa Parlamentario Marlon Sneek di AVP a conta cu 20 voto na fabor y 1 voto (Endy Croes, MEP) tabata contra. Dialuna ultimo a presenta e mocion, cu a cuminsa desde tempo di Donny Rasmijn, kende a boga masha pa implementacuon di leynan pro naturalesa.

Cu e mocion aproba, Gobierno awor mester pasa un “Landsbesluit” di acuerdo cu e “Invoer- en Uitvoerverordening”, den cual ta prohibi importacion di cup, caha di cuminda y tayo traha di foam, entrante dia 1 di januari 2019.

E mocion aki ta pa activa e plannan di Gobierno pa prohibi importacion y distribucion di e productonan aki. Probablemente mester uza otro material, por ehempel carton.

E ley aki lo ta den man di Minister Otmar Oduber di Medio Ambiente y Minister Dangui Oduber di Salud Publico.

Parlamento a urgi Gobierno pa cuminsa na luna di Juli venidero caba cu un campaña di informacion y consientisacion pa prohibi uzo di cup, tayo y cahacdi cuminda di foam. Esey lo completa e ley di saco di plastic cu ya a drenta na vigor caba.