E aña aki, un biaha mas Rimshot Drums Aruba tene su recital despues di pandemia, cu tabata un temporada dificil.
A pesar di e situacion dificl, a logra hacie toch na television, pero e aña aki nan t’ey bek y cu audiencia, manera tabata e custumber. Asina Ritchell Giel, instructor di drum na Rimshot Drums Aruba, a indica. Un recital cu tabata tin un hopi bon acogida. Tin hopi hende grandi cu ta gusta instrument di drum, cual ta algo bunita ya cu no por stroba niun hende di siña.
Su alumnonan ta varia for di un edad di mas o menos 7 aña te cu personanan di 60 aña.E publico presente a gosa na monton, el a haya un bon feedback di parti di e mayornan. E recital aki ta un manera di demostra e mayornan loke nan yiunan a siña e aña aki. Tin hopi mucha cu tabata tin un temporada cortico den e lesnan, pero toch el a curasha nan pa participa den e show, pa interactua cu e publico.
