Awenochi a tuma luga un wega di semifinal di Baseball AA entre e ekipo di ATCO Indians contra Scorpions. Na dado momento, den e di 5 inning, cu consentimento di e Umpire y di ambos team, a invita Shuraima Webb pa subi tereno y hungadonan tur a forma un fila y a regale un rosa. Su pareha di 13 aña largo, Jourick Blanco, den presencia di nan yiunan, a hinca man den su saco patras y saca un renchi di compromiso, a hinca rudia y a pidi e amor di su bida pa casa cune. Claro cu e contesta positivo a causa hubilo y alegria riba veld.
Jourick ta hunga como “Primera Base” pa ATCO Indians y probablemente e alegria di dje, e amor cu a derama riba veld mes a yuda su team gana awe cu score di 11-0 contra Scorpions.
Pabien na e feliz pareha y exito otro siman den e play off final di Baseball Doble AA.
