Ainda nos por corda cu tanto riba Plasa Daniel Leo como tambe den caya grandi tabatin fontein cu a trece un bida y un bista agradabel p’e bishitantenan.
Pero pa cierto rasonnan obvio mester a para e funcion di e fonteinnan pa sea mantencion y tambe pa siguridad, manera t’e caso di e fontein cu tin net entre Penha y La Moderna, pa motibo cu e adictonan ambulante ta bin baña eyden.
Por nota cu tin tera basha aden, cu e speransa naturalmente p’asina e drenta bek den funcion como un fontein, manera originalmente tabata e idea.
Pa loke t’e fonteinnan cu tin riba Plasa Daniel Leo, eseynan si por a mira e ultimo tempo cu tabatin trabao tumando luga p’asina nan haya nan splendor bek.
Hoofdbeheerder Infrastructuur di DOW, Daryl Lue, a conta cu a caba cu full e parti infrastructura di e fonteinnan. Loke tabata falta t’e tubo di awa. Mirando cu e mata grandi cu tabatin riba e stage, a causa cu e reisnan a ocasiona daño n’e tubonan.
Aworaki ta pidiendo quotation p’asina mira ken t’esun cu lo bay gana e bid, p’asina por ehecuta e trabaonan aki tambe.
E no bira un baki di mata sino lo tin bek nan funcion como fontein.
Contrario n’e fontein entre Penha y La Moderna, despues cu tin e bao di control despues di un tempo, na luga di un baki di mata, e lo por drenta bek den funcion como un fontein.
