Awe merdia, Su Excelencia Gobernador di Aruba, sr. Alfonso Boekhoudt, a ricibi
bishita di prome minister Evelyn Wever-Croes. Ta trata aki di un bishita regular unda
cu gobernador kier a scucha con cos ta bayendo den gobernacion, con a topa tur
cos y manera cu e por a scucha, e comienso, e start tabata un poco dificil, duro. No
por a start sali facil.
Ta cosnan cu a papia di dje. Riba e start, lamentablemente riba
e prome dianan tabata tin hopi atencion mester a bay na e organisacion di
Bestuurskantoor. No tabata tin documento, no tabata tin computer. Mester busca
manera pa por cuminsa funciona. A anuncia durante conferencia di prensa ayera cu
por ehempel cu por a cuminsa atende telefon. Asina por mira cu tin varios cos cu ta
strobando di funciona, pero esey no ta laga kibra nan. Cada minister a cuminsa cu e
bueltanan pa bishita nan departamento. Dos minister no a logra cu nan buelta, cual
ta minister di finansas y su persona.
Un tema cu a papia cu Gobernador ta tema financiero. E tema financiero tin hopi
reto su dilanti y awor aki si ta sigur cu no ta bay logra loke cu ley ta perskribi pa
logra, cu ta pa cera e aña aki cu ningun deficit adicional.
Awo ta mustra cu ta bay cera e aña di casi 100 miyon adicional y ta un reto
naturalmente grandi. Ta importante pa Gobernador ta bon informa di e situacion
financiero pa asina, ora cu bin pregunta of cualkier comentario di parti di Hulanda, e
por duna esaki tambe.
Esey ta un tema tambe cu nan a papia. Tambe nan a papia cu e tema social y
tambe e dia di Luto di mañan, unda cu a splica kico ta e intencion y cu no ta un dia
liber. Ta un dia pa uni pa hunto mustra convivencia. Pa hunto mustra cu ta condena
y rechasa loke a pasa y conhunto ta mustra determinacion pa esaki no pasa nunca
mas, e mandatario a splica.
