Ayera a tuma luga den Parlamento di Aruba un reunion entre ministernan, Crisis Team y parlamentarionan. Na final pafo prome minister a splica cu desde momento cu coronavirus a bati na porta, gobierno a presenta casi tur luna na parlamento pa duna un update. Prome minister a reacciona con e reunion a bay y ta spera cu den e proximo dianan por frena e cantidad di contagio
Un biaha mas nan a reuni p’e luna di maart, unda cu a trece un splicacion con gobierno ta atende cu COVID-19 na Aruba y kico pa spera. E reunion aki tabata un openbare bijeenkomst y esaki a nifica cu tur profesional presente tabatin e oportunidad di papia. Prome Minister di Aruba, mr. Evelyn Wever-Croes, a splica cu si tabata trata di un reunion publico so, solamente minister por papia. A conta cu presencia di dr. Bert Rodenburg di hospital, Sharline Koolman di DVG, Altocomisario Vanessa Tjon-Kock, Ronella Croes di ATA, Rino Hermans di Rampenbureau, Ministernan di Husticia y Salubridad.
Door di e tipo di reunion, e parlamentarionan tabatin un rond di pregunta, p’esaki e mandatario ta sinti cu nan a keda satisfecho. Wever-Croes a bisa di spera cu a contesta tur pregunta, pero tin e speransa cu e pandemia aki ta pasa lihe aunke cu no por priminti esey ainda. E preocupacion cu a bin dilanti tabata riba establecimentonan cera por ehempel ceramento di gym, facilidad deportivo y e scolnan, e mandatario a bisa cu cada tres dia nan ta evalua cualkier decision cu nan tuma si ta para tra’i esaki of ta cambie. E ta conta pa tur cos, p’asina por ta husto y duna oportunidad na tur pa desaroya y bay dilanti. E parlamentarionan a haci diferente pregunta tecnico riba cuido, riba vacuna, remedinan. Riba e temanan aki dr. Robenburg y DVG a constesta satisfactoriamente na parecer di e mandatario.
Ta den un pandemia y aworaki mas cu nunca mester mantene na e reglanan, maske e ta pa un tempo. Segun Wever-Croes, loke ta pidi tur hende pa tin pasenshi te 11 di april. Den e dos siman aki si logra frena e contagio, e ora por habri bek despues di vakantie di scol y tur hende por sigui cu nan bida mas normal cu ta posibel.
Lesa mas den TREMPAN.
