Durante e reunion entre Gobierno di Aruba, Crisis Team y parlamentarionan, a bin dilanti diferente pregunta. Pero a bin un discusion entre parlamentario di RED, Ricardo Croes, y Minister di Salud Publico, Turismo y Deporte, Dangui Oduber.
E parlamentario a bandona sala di parlamento na momento cu minister Oduber tabata duna su contesta. Loke a pasa entre Croes y Oduber, e mandatario a opta pa no duna un reaccion.
Prome Minister, mr. Evelyn Wever-Croes, a indica cu e mes no a sigui esaki na momento cu e parlamentario a bandona sala. E mes tabata ocupa cu varios cos pareu, manera finalisando e uitvoerings agenda di Landspakket, cu lo public’e awe mainta pa 8:00.E mandatario sa cu Croes ta un persona critico, specialmente riba e parti di vacunacion. Ayera mainta nan a trata e punto aki den un reunion separa. “Mi ta respeta e opinion di tur hende. Un hende cu ta contra vacunacion nos no ta bay forsa pa vacuna tampoco,” el a expresa.
No por forsa ningun hende, pero nan no ta pensa di forsa niun hende tampoco.
Lesa mas den TREMPAN.