Aunke cu probablemente a pensa cu e empleado publico lo ta consciente di dje, Gabinete Wever-Croes II no por tabata mas imprudente di anuncia riba un diabierna atardi, esta dia 20 di januari, cu dialuna ora paga salario, esta dia 23 di januari, cu tur empleado publico lo cobra menos. Den caso di e hefenan of top-ambtenaarnan, nan lo por hasta nota 300 florin menos den nan man! Esaki pasobra cu gobierno no a retene e impuesto adicional debi cu e aña aki lo paga, si Hulanda bay di acuerdo, e demas beneficionan paga na augustus (reparatietoeslag) y tampoco esun cu ta paga den november (najaarstoeslag).
Durante un conferencia di prensa, prome minister Evelyn Wever-Croes a indica cu ta trata aki di un ley y no un eror. Pero awo ken ta para responsabel p’esaki.
Segun e prome mandatario, e ley t’asina y e palabracionnan cu sindicato e ta y no ta kere cu lo mester busca un responsabel riba esey.
Loke si ta berdad ta cu door cu Hulanda asina tanto pa duna aprobacion, ta pone e periodo aki pa reparti e belasting ta mas cortico. Aworaki e expertonan ta bezig ta mira con por haci p’e aña aki, door cu ta un fase transitorio, p’e peso no ta asina grandi, mirando cu ora a draai e payroll, cu tabata siman pasa diahuebs, y a mira e efecto eynan.
Awor aki ta purbando cu e payroll di februari cu lo cera na comienso di e luna, pa bin cu un solucion.
Pa mas detaye lesa TREMPAN
