Cas Funeraria a admiti di a viola ley mas cu un biaha

Un biaha mas prome minister mr. Evelyn Wever Croes a bisa cu e maneho di entiero ta algo cu a publica for di aña pasa door di Crisis Team. Esaki a sosode den  luna di november, 2020. Na mesun momento e mandatario a splica den un conferencia di prensa cu lo tuma accion pa violacionnan cu tuma luga.

Riba e pagina di Crisis Team por lesa henter e procedura ora di un entiero relaciona cu e tema di COVID-19. E maneho publica e siman aki, ta algo cu a discuti cu tur e agencianan di funeraria y hunto a yega na loke ta bay ta e maneho.

E mandatario a bisa cu e ta compronde cu esaki ta un tema hopi delicado. E despedida di un ser keri ta algo hopi importante y e mes ta pensa di e forma aki. Pa algun tempo caba nan ta reuni y discuti con por haci e parti aki algo mas digno “y dun’e e importancia cu e mester.

Cas Funeraria a admiti di a viola ley mas cu un biaha

Cas Funeraria a admiti di a viola ley mas cu un biaha. Click link pa lesa mas https://24ora.news/3roXo03

Posted by 24ora on Friday, March 5, 2021

E meta den e pandemia aki ta na prome luga evita cu e virus ta plama. Tur conseho cu haya ta evalua y ta sigui monitor y mira unda por flexibilisa riba e medidanan cu a pone. Ta preguntanan, segun e mandatario, cu nan ta haya continuamente.

Mescos cu riba tereno di deporte, tambe riba esun di entiero ta keda evaluacion e situacion continuamente pa mira con por adapta esaki. Tabatin inconsistencia den implementacion di e maneho aki. Tabatin un cas funeraria cu riba su mes a dicidi di haci un excepcion y parce el a hacie mas biaha.

Crisis Team a papia cu e Cas Funeraria en cuestion cu lo mester carga e consecuencianan y eventual sancion. Nan a admiti cu loke nan a haci no ta corecto y lo percura pa e no pasa mas. Gobierno tin e deber pa e virus no sigui plama y ta compronde cu mester cu e curason humano. “E ta hopi dificil, pasobra e tin e aspecto pero tin un pandemia pa controla.”