Diasabra den oranan di madruga Polisnan tabatin nan mannan yen cu personanan cu a consume demasiado alcohol y tabata haci haci fastioso. Hasta tabatin detencion a cay di dos hende muhe ora cu nan a dicidi di cuminsa bringa cu otro. 

Polis conociendo e situacion ta core continuamente den e area pa ora cu e hendenan ta sali  y berdad banda di 3.30 net un patruya tabata pasando den e area ey na Tanki Leendert, a constata con siguridad di e luga ta sacando dos hende muhe pafo. Nan a bin compronde cu nan a coy otro na golpi paden y siguridad mesora a dicidi di pone pafo, ya cu no ta permiti desorden den e establecimento. 

Pero a resulta cu pafo tambe nan a sigui cu pelea pa cual e polisnan mesora a dicidi di interveni y a detene ambos. Esaki no a cay na agrado di e amistadnan presente cu a cuminsa expresa nan malcontento. 

Problema p'afo di bar a tene polis ocupa henter marduga

Problema p'afo di bar a tene polis ocupa henter marduga. Click e link pa mas https://24ora.tv/2MuxdmD

Posted by 24ora on Saturday, October 19, 2019

Despues for di e amistadnan por a compronde cu nan malcontento ta debi cu nan amiga a wordo ataca door di e otro y el a simplemente defende su mes pa awo e wordo deteni tambe. 

Pero Polis mirando e ora a ordena tur e hendenan cu a aglomera ey pa bandona e sitio, mientras cu a transporta e dos muhenan pa warda. 

Un rato prome cu esey tabatin un problema mas pero un poco mas panort di e club nocturno di Tanki Leendert. Esta den bisindario di “Acero Hardware & Building Materials” cu ta situa net pa noord di un establicimento nocturno. Segun algun informe inoficial, un persona di un pickup tabata dal sea cu su man of cu un obheto riba algun auto. Un paar di persona eybanda a bay riba e persona ey y a pone para straight. Ta parce cu un grupo di hoben lo tabata strob’e di hala su auto, pero no a topa cu e hobennan. Mirando e multitud cu tabata presente, varios patruya a bin. Polis a papia cu varios persona presente, testigonan y tambe cu e persona cu despues di a baha su rabia riba algun auto, a haya algun sla den cara. Mirando cu Polis a laga e persona bay sin detene, por ta un indicacion cu kisas niun keho no a wordo entrega. Polis a keda vigila e area debi na e cantidad di hende pafo y pa evita mas problema.


Comments

comments