Abo cu kier tin un toke diferente pa bo sala of cushina. 520 Home Sweet Home Decor & More tin hustamente loke abo tin mester. Nan tin entre special riba tur sofa tipo L, como tambe cabinetnan pa bo cushina.
Jeanoir Koolman a conta nos cu stock nobo ta drentando y kier pa e sofanan aki bay. Asina ta cu a pone 50% di descuento pa nan clientenan. Ta sofanan di tur clase di color, sumamente atractivo pa haci bo sala bunita. Ta trata di sofanan tiki mas firme. Hopi biaha ta haya e sofanan cu ta tiki mas floho, hopi cusinchi. Esakinan ta tiki mas duro, pa bo sinta comodo y ta bon pa bo lomba. Nan ta mueblesnan diferente.
Tin diferente sorto, color y tamaño tambe, dependiendo di e espacio cu bo tin.
520 Home Sweet Home Decor & more ta habri di dialuna pa diasabra, di 9’or di mainta pa 7’or di anochi y tambe riba diadomingo ta habri di 9’or di mainta pa 1’or di merdia.
520 Home Sweet Home Decor & More tin su delivery, dependiendo su producto. E ta bay riba con grandi e producto ta y con e prijs tambe ta. Tambe nan ta haciendo lay away den tres parti y sin interes. Ora cu caba di haci e tres pagonan por bay cu e producto. Tambe nan ta traha hunto cu Total Finance, pa asina financia e mueblesnan una bes cu esaki ta aproba.
Cabinet
Pa loke ta cabinetnan, nan ta di tremendo calidad y tambe di diferente tamaño, por ehempel 1.20 meter, 1.55 y 1.80 di hanchura. E frame ta di palo y loke ta e resto, parti pafo y e porta, ta traha di un material cu yama PVC. Ta un tipo di plastic, segun Koolman. E ta proteha tur loke e cabinetnan aki por carga. E ta bin cu su top. Tin cuater color di top y cuater color di e cabinetnan abao. Por mix and match cualkier color. Por scoge cua baki ta bin. Si e ta bin banda drechi of banda robes. Tur esaki ta inclui den e prijs. Loke no ta inclui ta e kramchi, cual ta apart. Y tur ta na 50% di descuento.
Asina ta, pasa na 520 Home Sweet Home Decor & More, situa den e edificio di ex-Kooyman, den Avenida Milio Croes, unda cu tin un surtido amplio y colorido di muebles y acesorionan pa bo hogar y probecha di e descuentonan special cu nan tin.
