“En conexion cu desaroyonan na Serlimar, Raad van Toezicht a dicidi di termina e relacion contractual cu e actual director”, asina un comunicado oficial di Serlimar ta inicia bisando. Di e forma aki a confirma e noticia cu 24ora.com a lansa awe den forma di primicia!
“Mirando cu ta un contracto entre dos partido priva, no kier drenta den e detayes di e motibonan cu a conduci na e terminacion aki”, segun Serlimar a sigui skirbi den su relato. Nan a sigura cu Hunta di Supervision y Gobierno mester a scoge pa interes di e compania, cu ta rekeri pa un otro persona tuma mando di e empresa cu e tarea pa sanea e situacion lo mas pronto posibel. Entretanto tin nombernan circulando caba den pasiyonan, cu lo por ta posibel candidato pa e funcion, entre otro un ehecutivo di CITGO Aruba ta entre esunnan cu nos ta teniendo mas.
Nos lo informa asina cu nos informacion ta confirma.
